Almatyda etnomádenı birlestikterdiń halyqaralyq forýmy ótip jatyr
Qazaqstan Respýblıkasy Mádenıet mınıstrligi, Qazaqstan halqy Assambleıasy, Qazaqstan halqynyń rýhanı damý qorynyń uıymdastyrýymen ótip jatqan forým jumysyna Qazaqstan Respýblıkasy Parlamentiniń depýtattary, Qazaqstan halqy Assambleıasy Tóraǵasynyń orynbasary, Mádenıet mınıstrliginiń basshylyǵy, sheteldik qonaqtar, elimizdegi etnomádenı birlestikterdiń jetekshileri, joǵary oqý oryndarynyń rektorlary, sarapshylar men ǵylymı jáne shyǵarmashylyq zııaly qaýym ókilderi qatysýda. Forýmnyń negizi moderatory - Qazaqstan Respýblıkasynyń Mádenıet mınıstri Muhtar Qul-Muhammed.
«Qazaqstan halqynyń rýhanı damý qory» AQ-nyń prezıdenti Almaz Nurazhannyń aıtýynsha, atalmysh forým El birligi doktrınasy sheńberinde, elimizdegi turaqtylyqty nyǵaıtýǵa, etnosaralyq saıasat salasyndaǵy óńirlik jáne halyqaralyq yntymaqtastyqty damytýǵa, sondaı-aq, memleketterdiń mádenı-gýmanıtarlyq baǵyttarynyń yntymaqtastyǵyn ulǵaıtýǵa arnalyp, ótkizilýde.
Forým sheńberinde búgin delegattar Qazaqstan halqy Assambleıasynyń murajaıyna baratyn bolady.
Іs-shara etnomádenı birlestikterdiń kásiptik ujymdary men shyǵarmashylyq toptarynyń merekelik kontsertimen aıaqtalmaq.