Almatyda esirtkini Telegram kanal arqyly satqan er adam ustaldy
Polıtsııa departamentiniń málimetinshe, esirtki satty degen kúdikpen Almaty qalasynyń 29 jastaǵy turǵyny ustaldy.
«E.esimdi azamattyń úıinen quramynda túrli tústi untaq tárizdi zattary bar 15 qaptama, elektrondy tarazy, sondaı-aq «skorost» jáne «mefedron» sıntetıkalyq esirtki zattaryn jarnamalaý jáne satý týraly derbes kompıýterdegi málimetter tabylyp, tárkilendi. Sondaı - aq kúdiktiniń kóliginen taǵy birneshe shóp salynǵan qaptama tabyldy. Onyń Telegram platformasynda jeke resýrsy bar ekendigi, sol arqyly sıntetıkalyq esirtki satatyndyǵy anyqtaldy»,- deıdi Almaty qalalyq PD Esirtki qylmysyna qarsy kúres basqarmasy bastyǵynyń orynbasary Saǵyndyq Aıaǵanov.
Telegram platformasy buǵattaldy. Tárkilengen zattarǵa saraptama taǵaıyndaldy.
Spıkerdiń sózinshe, qazirgi ýaqytta Almatyda «sıntetıkany» jetkizý arnasyn anyqtaýǵa baǵyttalǵan jedel jáne arnaıy sharalar kesheni júrgizilýde.