Almatyda esirtkige táýeldi 14 bala bar – maman

ALMATY. QazAqparat – Almatyda resmı esepke esirtkige táýeldi 1134 eresek adam men 14 bala tirkelgen. Bul týraly óńirlik kommýnıkatsııalar qyzmetiniń alańynda ótken baspasóz máslıhatynda Narkostop jobasynyń PR mamany Janar Nurseıitova málim etti, dep habarlaıdy QazAqparat tilshisi.

«Búgingi kúni Almatyda esirtkige táýeldi 14 jasósipirim bar. Odan bólek, úsh bala taksıkoman. 1134 eresek adam resmı tirkeýde tur. Bular densaýlyq saqtaý mekemesine óz erkimen baryp, resmı tirkelgender ǵana. Al, naqty qaraıtyn bolsaq, bul kórsetkish odan da kóp bolýy múmkin. Dúnıejúzilik densaýlyq saqtaý uıymy resmı sandy 8-ge kóbeıtýdi usynady. Sol kezde esepke alynbaǵan nashaqorlardyń sany shyǵady eken»,- deıdi Janar Nurseıitova.

Aıtýynsha, esirkige táýeldi balalardyń ata-anasy memlekettik medıtsınalyq oryndarǵa barǵysy kelmeıdi, esepke alǵanyn qalmaıdy. Sol sebepti jeke klınıkalardy izdeıdi.

«Jeke ortalyqtarda esirtkige táýeldi adamdy emdeýge bir aıda shamamen 700 myń teńgege jýyq qarajat qajet bolady. Esirtkige táýeldi adam qalpyna kelip, kúndelikti ómirge oralý úshin 4-6 aı kerek. ıAǵnı, bir adamǵa 5 mln teńge ketedi. Bul somany kez kelgen adamnyń qaltasy kótermeıdi. Bizdiń joba arqyly 2021 jyldan beri 13 adam tegin em-dom aldy. Bul - biz úshin úlken jetistik»,-deıdi spıker.