Almatyda esirtki satýmen aınalysqan adam ustaldy

ALMATY. QazAqparat- Megapolıste esirtki satýmen aınalysqan Almaty oblysynyń turǵyny ustaldy, dep habarlaıdy QazAqparat tilshisi.

Polıtsııa málimetinshe, shaharda esirtki satýmen aınalysqan 49 jastaǵy er adam tapa-tal túste ustaldy.

«Jedel-izdestirý is-sharalaryn júrgizý barysynda 49 jastaǵy S.esimdi azamat ustaldy. Ruqsat etilgen tintý kezinde birneshe polıetılen baılamdary men ósimdik zaty jáne erekshe ıisi bar sirińke qoraptary tabylyp, tárkilendi. Saraptama qorytyndysyna sáıkes, bul zat jalpy salmaǵy 231,61 grammdy quraıtyn «gashısh» esirtki zaty», – dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Álmaǵambetov.

Atalǵan derek boıynsha QR QK-niń 296-baby 4-bóligine sáıkes qylmystyq is qozǵaldy.

Ustalǵan azamat ýaqytsha ustaý ızolıatoryna qamaldy.