Almatyda esirtki qoldanyp otyrǵan jerinen 15 adam ustaldy
Polıtsıa deparamentiniń málimetine sáıkes, Áýezov aýdanyndaǵy páterlerdiń birine esirtki tutyný úshin 15 adamǵa deıin jınalǵan.
«Esirtki úıiniń bastamashysy jáne uıymdastyrýshysy páterdiń ıesi – 44 jastaǵy azamat Ts. bolyp shyqty. Ol ózi de esirtki qoldanýshy. Onyń úıinen mefedron, geroın sııaqty zattar tabyldy jáne tárkilendi. Atalǵan fakti boıynsha ustalǵan azamatqa qatysty QR QK-niń 296-baby 4-bóligimen sotqa deıingi tergeý bastaldy. «Qonaqtar» da polıtsııa bólimine jetkizilip, jaýap alyndy. Kúdikti ýaqytsha ustaý ızolıatoryna ornalastyryldy«, – dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Almaǵambetov.
Sonymen qatar, ol bir kún buryn Almatyda geroın satýshysy ustalǵanyn atap ótti.
«Arlan» arnaıy bólimshesiniń jáne kınologııalyq ortalyqtyń qyzmetkerlerimen ózara árekettesý kezinde Almaty oblysynyń 33 jastaǵy turǵyny esirtki satqany úshin ustaldy. Atalǵan fakti boıynsha QR QK-niń 297-baby 1-bóligimen sotqa deıingi tergeý bastaldy. Almatyǵa esirtki jetkizý arnalaryn anyqtaý sharalary júrgizilýde», – dep túsindirdi Erlan Almaǵambetov.