Almatyda esirtki bıznesimen kúres jóninde keshendi jospardyń jobasy tanystyryldy

ALMATY. QazAqparat - Almatyda Esirtki quraldarynyń, psıhotroptyq zattardyń jáne olardyń prekýrsorlarynyń zańsyz aınalymyna qarsy kúres jónindegi Ortalyq Azııa óńirlik aqparattyq úılestirý ortalyǵynda 2023-2025 jyldarǵa arnalǵan esirtki jáne esirtkimen kúres jónindegi keshendi jospar jobasy tanystyryldy, dep habarlaıdy QazAqparat tilshisi.

Іs-sharaǵa memleketterdiń quzyretti organdarynyń basshylary men sarapshylary jáne OAÓAÚK baqylaýshylary, halyqaralyq uıymdardyń ókilderi qatysty.

«Esirtkilerdiń, ásirese olardyń sıntetıkalyq túrleriniń taralý problemasy búkil álemdik qoǵamdastyq úshin jahandyq qaýip tóndiredi. Esirtkiniń zańsyz aınalymymen kúres – asa ózekti jáne strategııalyq mindet»,- dedi QR ІІM Esirtki qylmysyna qarsy kúres departamentiniń basshysy polıtsııa polkovnıgi Qajyǵalı Imajanov.

Sonymen qatar, ol tanystyrylym barysynda negizgi baǵyttardy atap ótti.

«Birinshiden, nashaqorlyqtyń aldyn alý, emdeý, nashaqorlardy esepke alý, ońaltý jáne qaıta áleýmettendirý júıesin damytý. Taǵy bir mindet – elektrondy tólem júıeleri, drop kartalary, krıptovalıýtalar jáne basqa da qarjy quraldary arqyly zańsyz esirtki aınalymyn toqtatý. Sondaı-aq, Qazaqstandaǵy eń tanymal ınternet-platformalardyń ókildikteriniń keńeıýi ınternet-resýrstardy esirtkiniń zańsyz aınalymyna paıdalanýdy shekteıdi. Jospardyń bir baǵyty – sot-saraptama qyzmetin, sıntetıkalyq esirtki jáne olardyń prekýrsorlaryn zertteý ádisterin jetildirý»,- dedi ol.

Spıkerdiń sózinshe, usynylǵan josparda zııandy zat «sıntetıka» jáne kúshti áser etetin basqa da zattardyń zańsyz aınalymy úshin jaýapkershilikti kúsheıtý qarastyrylǵan.

Memlekettik esirtki saıasatyn qalyptastyrý men júzege asyrýda ІІM-niń úılestirýshi rólin kúsheıtý osy jospardyń bir tarmaǵy.

«Esirtki bıznesi salasyndaǵy halyqaralyq yntymaqtastyqtyń keńeıýi barlyq derlik sheteldiktermen jáne halyqaralyq uıymdarmen kóp vektorly ózara árekettesýge áser etedi»,- dedi ol.

Eske salaıyq, Memleket basshysy Qazaqstan halqyna jyl saıynǵy Joldaýynda esirtki máselesin sheshýge jalpyulttyq sıpat bere otyryp, Keshendi jospar ázirleýdi tapsyrǵan bolatyn.