Almatyda Esentaı ózeniniń boıy abattandyrylyp jatyr
Bul týraly shahar basshysy óziniń Іnstagram-daǵy paraqshasynda jazdy.
«Eki shaǵyn aýdanda ınjenerlik jáne jol ınfraqurylymy máseleleri tolyq derlik sheshildi. «Muztaý» shaǵynaýdanynda elektr jelileri jańartylyp, olar 6-dan 10 kV-qa aýystyryldy.17 km sý qubyry men káriz jelisi tartyldy, oǵan 274 úı qosylady. Á. Beıseýov kóshesin jóndeý men asfalttaý jumystary aıaqtalýǵa jaqyn. Kereı Jánibek Handar dańǵylynan Іle-Alataý ulttyq tabıǵı parkiniń ekopostyna deıingi joldyń uzyndyǵy 4,6 shaqyrym bolady»,- dep jazdy ákim.
Baqytjan Saǵyntaev 14,6 shaqyrymǵa jýyq sýmen jabdyqtaý jáne káriz jelileriniń qurylysy aıaqtalǵannan keıin joldar qalpyna keltirilip jatqan «Kólsaı» shaǵynaýdanynda boldy. Elektr jelileri qýatty jelilerge deıin jańartyldy. 3,7 shaqyrym joldy qalpyna keltirý jumystary júrgizilip jatyr. «Balqash» sý qabyldaǵyshynan «Kólsaı» shaǵynaýdanyna deıingi magıstraldy jeli salý boıynsha joba ázirlenip jatyr. 310 úı ornalasqan 6 kóshege syrtqy jaryqtandyrý júrgizildi.
«Esentaı ózeniniń boıynda, sý bólgishten bastap, Jamaqaev kóshesine deıin jaıaý júrginshi jolyn salý jumystary jalǵasyp jatyr.Onyń uzyndyǵy 4,2 km. Jańa tereńqur qazirdiń ózinde tartymdy orynǵa aınalǵan. Syrtqy jaryqtandyrý tirekteri jáne shaǵyn sáýlettik pishinder, sonyń ishinde qoqys jáshikteri, oryndyqtar ornatylady. Munda balalar oıyn jáne sport alańdary, jaıaý júrginshiler kópirleri men qaraý alańdary bolady.Sondaı-aq uzyndyǵy 6 km bolatyn sý bólgishten Medeýge deıin jaıaý júrginshiler aımaǵynyń qurylysyn jalǵastyrý jobasy ázirlenýde»,-dep atap ótti Almaty ákimi.
Sonymen qatar, ol Omarov kóshesinde Dostyq dańǵylynan Lýganskıı kóshesine deıin jaıaý júrginshiler aımaǵynda jóndeý jumystary júrgizilip jatqanyn tilge tıek etti.
Sonymen qatar bul jerde joldy ortasha jóndeý jumystary júrgiziletin bolady.
Baqytjan Saǵyntaev jol jóndeý jáne abattandyrý boıynsha jumystardyń sapasy men merzimin baqylaýdy tapsyrdy.