Almatyda Esentaı ózeni arqyly ótetin kópir 1 qyrkúıekte paıdalanýǵa beriledi
Almaty qalasy ákiminiń baspasóz qyzmeti málim etkendeı, kópirdi tekserý kezinde shahar basshysyna ony kúsheıtý jumystary týraly baıandaldy. 2020 jyly qurylymnyń jaǵdaıy apatqa deıingi dep tanylǵan.
«Saraptamalyq zertteý nátıjesinde anyqtalǵan aqaýlar kópirdiń júk kótergishtigi men qaýipsizdigine áser etti. Jóndeý jumystary sheńberinde rıgel kúsheıtiledi, aralyq qurylystyń plıtalary jańartylady, 96 arqalyq aýystyrylady, sondaı-aq asfaltbeton jabyny salynady. Qaıta qurý jumystary úsh kezeńnen turady. Búgingi tańda jumystyń ekinshi kezeńi júrgizilýde. Kópirdegi qozǵalys kezeń-kezeńimen ashylady: búginde ýchaskeniń ońtústik jaǵyndaǵy kópirde jumys júrgizilip, qozǵalys ashyq»,- dep atap ótti ákimdikten.
Kúzde jańa oqý jyly bastalyp, kólik aǵyny ulǵaıatyny eskerilip, megapolıs basshysynyń tapsyrmasy boıynsha qurylys brıgadalary eki aýysymda jumys isteıdi.
Bul kólik kópirin jóndeý jumystaryn tamyz aıynyń sońyna deıin, ıaǵnı normatıvtik merzimnen 2 ese erte aıaqtaýǵa múmkindik beredi.
Esterińizge sala keteıik, kópirdi jóndeý 6 maýsymda bastalǵan bolatyn.
Osylaısha, 6-7 aıdyń ornyna qaıta qurý merzimi 3 aıda aıaqtalady. Bul rette qurylys normalary men qaýipsizdik qaǵıdalary tolyq saqtalǵan kezde jumystar júrgiziledi.
«Qaıta qurýdyń mańyzdy nátıjesi kólik jolaqtarynyń sanyn aǵymdaǵy 6-dan 8-ge deıin ulǵaıtý arqyly kópir keńeııiledi, ıaǵnı ár baǵytta 4 jolaq. Bul velo-jaıaý júrginshiler kópirin negizgi kólikten bólek qurylystarǵa aýystyrýdyń arqasynda múmkin boldy.
Erbolat Dosaev erekshe qajettilikteri bar adamdar úshin pandýstardy ornatýdyń mańyzdylyǵyna jaýapty oryndaýshylardyń nazaryn aýdardy.
Tekserý qorytyndysy boıynsha megapolıs ákimi Erbolat Dosaev kólik kópirin 1 qyrkúıekten bastap iske qosýdy tapsyrdy. Jaıaý júrginshiler kópirlerin salý jumystary qazan aıynyń ortasyna deıin aıaqtalady.
Sonymen qatar, qala basshysy kelesi jyldyń aqpan aıyna deıin qala turǵyndarynyń jaılylyǵy úshin irgeles aýmaqty abattandyrý boıynsha birqatar tapsyrma berdi.