Almatyda ereýil kezinde Ulttyq ulan sarbazyn uryp, ıtin urlap ketken

ALMATY. QazAqparat - Almatyda jappaı tártipsizdik kezinde polıtsııanyń ıtin urlap ketken kúdikti ustaldy, dep habarlaıdy QazAqparat tilshisi.

Polıtsııa departamentiniń málimetinshe, 5 qańtar kúni Ulttyq ulannyń sarbazy, efreıtor Rústembek Baıqarashev jaraqat alyp, Naıts atty ıtin joǵaltyp aldy.

«Shabýyl jasaýshylar basymnan urdy, sol kezde sál álsiregenimdi paıdalanyp, baýy qolymda turǵan ıisshil ıtimdi alyp ketti. Esimdi jıǵan soń polıtsııa qyzmetkerlerine qylmyskerdi sýrettep berdim. Ony búgin qamaýǵa alypty», - dedi efreıtor.

Iesi men ıttiń kópten kútken kezdesýi polıtsııa bólimshesiniń qabyrǵasynda ótti.

«Jedel izdestirý sharalaryn júrgizý barysynda Almaty oblysy aýmaǵynda shaharǵa jaqyn jerde 1989 jyly týǵan A.esimdi azamat ustaldy. Joǵalǵan qyzmettik ıt kúdiktiniń aýlasynan tabyldy. Qazir ustalǵan azamattyń qaıǵyly oqıǵalar kezinde bolǵan basqa da qylmystarǵa qatysy bar-joǵy tekserilip jatyr», - dedi Áýezov aýdandyq polıtsııa basqarmasynyń bastyǵy Ulan Ábilqaıyr.

Kınolog sarbazdyń aıtýynsha, Naıts - óte aqyldy, meıirimdi jáne tártipti ıt.