Almatyda «Er azamattardyń densaýlyǵy kúni» sharasy ótýde
Búgin tańǵy saǵat 08:00-den bastap, qalalyqtar Almaty onkologııalyq ortalyǵyna aǵyla bastady.
«Búgingi shara 50 jastan asqan er azamattardy tekserýge arnalǵan. Ondaǵy maqsat - onkologııalyq aýrýlardy anyqtaý. Endi er azamattar bolǵan soń, birinshi kezekte erlerdiń jynystyq jaǵynyń onkologııalyq aýrýlaryn anyqtaımyz. Ózderińiz bilesizder, 50 jastan asqan soń, kóp jaǵdaıda er azamattar erkektik bezdiń qaterli isigi dertine shaldyǵyp jatady. Bul Qazaqstanda erler arasynda kezdesetin onkologııalyq aýrýlardyń ishinen jıiligi boıynsha ekinshi oryndaǵy aýrý. Búgingi shara barysynda er azamattar dáriger ýrologtarǵa, onkohırýrgtarǵa qarala alady. Sonymen qatar, onkologııalyq aýrýlardy erte kezden bastap anyqtaý maqsatynda dıagnostıka jasalady. Sonyń ishinde erkektik bezdiń qaterli isigi boıynsha arnaıy analız alynady. Ol PSA - prostat spetsıfıkalyq antıgen dep atalady. Eger onyń quramy joǵary dárejede bolsa, tıisti azamattar bizdiń ortalyqta egjeı-tegjeıli tekserýden ótedi. Al qazir, bizdiń maqsatymyz - er azamattardyń osyndaı aýrýlarǵa shaldyqqan-shaldyqpaǵanyn erte bastan anyqtaý. Búgin olardyń kúretamyrlarynan qan alynady. Saraptama nátıjesi 5-6 kún ishinde daıyn bolady. ıAǵnı, búgingi qaralǵan azamattar bir aptadan soń qaralýdyń nátıjelerin bile alady», - dedi óz sózinde Almaty onkologııalyq ortalyǵynyń joǵary kategorııadaǵy dáriger onkoýrology Sergeı Barsov
Búgingi shara Almaty qalasynyń densaýlyq saqtaý basqarmasy men Almaty salamatty Ómir saltyn qurý ortalyǵynyń qoldaýymen ótýde.