Almatyda elý myńnan astam adam Pfizer ekpesin saldyrdy

ALMATY. QazAqparat – Almatyda bir táýlik ishinde 3 200 adam koronavırýsqa qarsy vaktsına saldyrdy. Onyń ishinde 1-komponentin 1 202 adam, 2-komponetin 1 998 adam saldyrdy.

Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.

«Ótken jyldyń 1 aqpany men bıylǵy jyldyń 16 aqpany aralyǵynda qalada 1 128 784 turǵyn vaktsınanyń birinshi komponentin, 1 081 993 adam ekinshi komponentin saldyrǵan. Onyń ishinde 124 471 adamnyń jasy 60-tan asqan»,- delingen habarlamada.

Búgingi tańda Pfizer (Comirnaty) kompanııasynyń ekpesin 50 437 adam saldyrdy. Onyń ishinde 2 712 júkti áıel, 11 056 bala emizetin ana jáne 36 669 jasóspirim bar.

217 562 qala turǵyny revaktsınatsııadan ótti.

«Búgingi tańda qalada medıtsına meekemelerinde 119 vaktsınatsııa pýnkti jumys isteıdi. 140 vaktsınatsııa brıgadasynda 520 medıtsına qyzmetkeri jumyldyryldy» - dep atap ótti Almaty qalasy Qoǵamdyq densaýlyq basqarmasynyń baspasóz qyzmetiniń ókilderi.