Almatyda «Elin súıgen Elbasy» dıalog-áńgimesi ótti
«Elin súıgen Elbasy» dıalog-áńgimesine QHA Tóraǵasynyń orynbasary - hatshylyq meńgerýshisi Janseıit Túımebaev, ardagerler, Qazaqstan halqy assambleıasynyń músheleri, respýblıkalyq etnomádenı birlestikterdiń jetekshileri men belsendileri, Almaty qalasy máslıhatynyń depýtattary, ǵylymı jáne shyǵarmashylyq zııaly qaýym ókilderi, JOO stýdentteri men oqytýshylary jáne jastar qatysty.
Sharanyń maqsaty - qazaqstandyq qoǵamda Ult Kóshbasshysynyń qazaqstandyq memlekettilikti qurýdaǵy aýqymdy tarıhı rólin odan ári nyǵaıtý, Qazaqstan Respýblıkasy Tuńǵysh Prezıdentiniń jetistikterin moıyndaý, eldegi beıbitshilik pen qoǵamdyq kelisimdi saqtaý, jastar arasynda azamattyq, patrıottyq jáne rýhanı qundylyqtardy tárbıeleý.
Qazaqstan halqy Assambleıasy tóraǵasynyń orynbasary Janseıit Túımebaevtyń pikirinshe, Qazaqstannyń táýelsizdik tarıhy – Elbasynyń atymen tyǵyz baılanysty. Ol jańa Qazaqstannyń negizin qalaýshy. Elbasynyń arqasynda elimiz qysqa merzim ishinde qóptegen mańyzdy jetistikterge jetti.
«Myqty ekonomıka, áleýmettik memleket, turaqty saıası júıe, ultaralyq kelisim, syrtqy arenadaǵy Qazaqstannyń joǵary bedeli – osynyń bári Elbasynyń tikeleı bastamasymen atqarylǵan jumystyń nátıjesi. Bunyń bári Qazaqstannyń jarqyn bolashaqqa qadam jasaýǵa negiz bolyp tabylady. Assambleıa qurylǵan kúnnen bastap Qazaqstandaǵy myzǵymas birliktiń uıytqysy bolyp keledi. Elbasy aıtqandaı, búginde Assambleıa elimizdegi tatýlyq pen turaqtylyqtyń eń basty kepili sanalady»,- dedi Janseıit Túımebaev.
Shara barysynda, qonaqtar men qatysýshylar «Elbasy jáne Qazaqstan jastary» atty derekti fılmin tamashalap, «Elin súıgen, Eli súıgen - Elbasy» kitap kórmesin tamashalady.