Almatyda «Elbasy kitaphanasy» ortalyǵy ashyldy
Jıynnyń ashylýynda sóz alǵan QazUAÝ rektory, akademık Tilektes Espolov ýnıversıtet bazasynda ashylǵan kitaphananyń mańyzdylyǵyna toqtaldy.
«Joba aıasynda biz ýnıversıtet bazasynda Elbasy kitaphanasyn ashyp otyrmyz. Basty maqsatymyz - Ult kóshbasshysy Nursultan Ábishuly Nazarbaevtyń ómiri men qyzmetin úlgi tutyp, jastardy lıderlik qasıetke tárbıelep, básekege qabiletti urpaq qalyptastyrý. Jaqynda ǵana biz Astanadaǵy Elbasy kitaphanasynan Prezıdentimizdiń 500 kitabyn aldyq. Bul - biz úshin, bizdiń belsendi jastarymyz úshin úlken olja. Bul kitaptar, bizdiń jastarymyzdyń rýhanı dúnıetanamyn keńeıtip, bilimderin tolyqtyra túsedi», - dedi JOO rektory.
Sondaı-aq, atalǵan JOO-da «Rýhanı jańǵyrý: jastar kózqarasy» halyqaralyq ǵylymı-tájirıbelik konferentsııasy ótti. Konferentsııada Almaty qalasynyń jáne sheteldik joǵary oqý oryndarynyń ǵalymdary, magıstranttary, stýdentteri baıandamalar jasady.
Jıynda «Tarıhı turǵydaǵy Qazaqstannyń jańǵyrý áleýeti», «Ulttyq kod rýhanı sanany jańǵyrtýdyń negizi retinde», «Qazaqstan jastarynyń rýhanı sanasyn jańǵyrtý sharttaryndaǵy tarıhı sana» taqyryptarynda baıandamalar jasaldy.
Aıta keteıik, Almaty qalasynda Qazaqstan Respýblıkasynyń Tuńǵysh Prezıdenti - Elbasy kitaphanasy «N.Nazarbaev: dáýir, tulǵa, qoǵam» atty kóshpeli kórme jobasyn 10 qarashadan beri ótkizip keledi. 11 qarasha kúni QazUAÝ-da «Ǵylymı-bilim berý qyzmetindegi ınnovatsııalyq jumys túrleri» semınary, 13 qarashada «Qazaqstan joly: «Máńgilik El» semınar-trenıngi ótti.