Almatyda ekstremızmge qarsy kúres operatsııalary jalǵasýda
«Qurmetti Almaty qalasynyń turǵyndary! Quqyqtyq tártipti qamtamasyz etý jáne ekstremızmge qarsy kúres boıynsha operatsııalardyń jalǵasýyna baılanysty avtokólik ıelerinen Tóle Bı, Raıymbek jáne Abaı dańǵyldaryn, sondaı-aq qala ortalyǵyn aınalyp ótý joldaryn josparlaýdy suraımyz. Sondaı-aq qala turǵyndarynan qazirgi ýaqytta serýendeýden jáne qoǵamdyq oryndarǵa barýdan bas tartýdy suraımyz. Bul sharalar sizdiń jeke qaýipsizdigińiz úshin qabyldandy», - delingen taratylǵan aqparatta.
Almaty qalasy komendatýrasynyń málimetinshe, quqyq qorǵaý organdary jaǵdaıdy turaqtandyrý jáne zańdylyqty qamtamasyz etý boıynsha sharalar qabyldaýdy jalǵastyryp jatyr.
«Qaýesetter men feıkterdiń oryn alýyn eskere otyryp, barlyq qala turǵyndary men BAQ-tardan tek resmı aqparat kózderin paıdalanýdy jáne olarǵa súıenýdi suraımyz», - dep atap ótedi Almaty qalasynyń komendatýrasynan.