Almatyda ekologııalyq jýrnalıstıka boıynsha oqytý kýrstary bastaldy

NUR-SULTAN. QazAqparat - Búgin, 15 naýryzda, QR Aqparat jáne qoǵamdyq damý mınıstrliginiń bastamasymen Ál-Farabı atyndaǵy Qazaq ulttyq ýnıversıteti ekologııa salasynda mamandanǵan jýrnalıster úshin oqytý kýrstaryn ótkizýge kiristi.

Bul týraly búgin óziniń Facebook paraqshasynda QR Aqparat jáne qoǵamdyq damý mınıstri Aıda Balaeva jazdy, dep habarlaıdy QazAqparat.

Kýrstar 2020 jyly QR Aqparat jáne qoǵamdyq damý mınıstrligi men Ál-Farabı atyndaǵy Qazaq ulttyq ýnıversıteti jáne QR Ekologııa, geologııa jáne tabıǵı resýrstar mınıstrligi arasyndaǵy Ózara túsinistik jáne yntymaqtastyq týraly jasasqan memorandýmdy júzege asyrý aıasynda ótkizilýde.

Kýrsqa qatysýshylarǵa bes kún boıy BAQ-ta ekologııalyq máselelerdi taratý, ekologııalyq bilim berý men tárbıeleý, qaldyqtardy kádege jaratý jáne qorshaǵan ortany qorǵaý problemalary boıynsha ózekti suraqtar túsindiriletin bolady.

Kýrstyń ashylýynda Qazaqstandaǵy BUU Jahandyq kommýnıkatsııalar departamentiniń ókili - Qazaqstandaǵy BUU Aqparattyq bıýrosynyń basshysy Vlastımıl Samek myrza alǵy sóz sóıledi.

Spıkerler retinde Ál-Farabı atyndaǵy QazUÝ oqytýshylary jáne Tájirıbeshil ekologtar qaýymdastyǵynyń tóraǵasy sóz sóıleıdi.

Oqytý kýrstary 2021 jyldyń 19 naýryzyna deıin ótedi.

Tikeleı kórsetilim Ál-Farabı atyndaǵy Qazaq ulttyq ýnıversıtetiniń Facebook-tegi

resmı paraqshasynda ótedi.