Almatyda ekologııa salasyndaǵy jemqorlyq táýekelderine syrtqy taldaý bastaldy
Almaty qalasynyń Sybaılas jemqorlyqqa qarsy qyzmetiniń málimetinshe, búgingi tańda ekologııa salasy megapolıstiń sybaılas jemqorlyq táýekelderiniń kartasynda kórinis tapqan jáne qala turǵyndaryn tolǵandyratyn negizgi salalardyń biri.
«Osy salada sybaılas jemqorlyq quqyq buzýshylyqtar jasaýǵa yqpal etetin sebepter men jaǵdaılardy anyqtaý jáne zerdeleý maqsatynda Almaty qalasynyń Sybaılas jemqorlyqqa qarsy qyzmeti Almaty qalasy boıynsha ekologııa basqarmasynyń jáne onyń vedomstvolyq baǵynysty uıymdarynyń qyzmetindegi sybaılas jemqorlyq táýekelderine syrtqy taldaýdyń bastalǵanyn habarlaıdy»,- delingen vedomstvo taratqan aqparatta.
Taldaý osy jyldyń 16 qańtary men 24 aqpany aralyǵynda júrgiziledi. Maqsat - ekologııa salasynda, normatıvtik quqyqtyq aktilerde jáne uıymdastyrý-basqarý qyzmetinde sybaılas jemqorlyq táýekelderin anyqtaý.
«Sondaı-aq taldaý barysynda: personaldy basqarý, múddeler qaqtyǵysyn retteý, memlekettik qyzmetter kórsetý, ruqsat berý fýnktsııalaryn oryndaý, baqylaý-qadaǵalaý fýnktsııalaryn iske asyrý, sybaılas jemqorlyq táýekelderin syrtqy taldaý obektisiniń uıymdastyrý-basqarý qyzmetinen týyndaıtyn ózge de máseleler qamtylatyn bolady»,- dep habarlady Almaty qalasynyń Sybaılas jemqorlyqqa qarsy qyzmetinen.
Azamattardyń pikirleri men usynystaryn alý úshin almatyanticorruption@mail.ru elektrondyq poshtasy men 8-776-005-57-32 WhatsApp nómiri arqyly qabyldanady. Antıkor ekologııa salasyndaǵy buzýshylyqtardyń naqty faktileri boıynsha joǵaryda kórsetilgen baılanys arnalary boıynsha habarlasýlaryn suraıdy.