Almatyda eki jylda 20 jataqhana salynady

ALMATY. QazAqparat. Almatyda 2020 jylǵa deıin 20 jataqhana salynatyn boldy. Bul týraly óńirlik kommýnıkatsııalar qyzmetinde qalalyq Jastar saıasaty máseleleri jónindegi basqarmasynyń basshysy Shyńǵys Beskempirov aıtty, dep habarlaıdy QazAqparat tilshisi.

Onyń aıtýynsha, bıyl qalada «Turǵyn úı qurylys jınaq banki» AQ   arqyly jastardy jeńildetilgen  baspanamen qamtý jobasy boıynsha  alǵashqy qadamdar bastaldy.

«Jol kartasy aıasynda Almaty qalasynyń stýdentterine 2020 jylǵa deıin 20 jańa jataqhana salý josparlandy. Olardyń 5-iniń qurylysy bıyl  jeltoqsanǵa deıin aıaqtalatyn bolady. ıAǵnı, jastarǵa qosymsha 2 500 oryn bólinedi», -  dedi   Sh.Beskempirov.

Basqarma basshysy «Almaty jastary» jobasynyń taǵy bir artyqshylyǵyn atap aıtty.

«Bıyl «Almaty jastary» baǵdarlamasyna 35 jasqa deıingi azamattar da qatysatyn boldy. Halyqtyń áleýmettik  turǵydan az qamtylǵan kópbalaly otbasy, 1-shi jáne 2-shi toptaǵy múgedekter, tolyq emes otbasy jáne jetimderge biraz jeńildik sharalary qarastyrylǵan. 10 mln teńgege deıingi nesıeler jylyna 5% ósimmen beriletin bolady. Jyl aıaǵynda «Almaty jastary» jobasy boıynsha 100 jas otbasy jańa qonys ıesi atanady»,-dedi  ol.