Almatyda eki erkek tóbelesip, bireýi tapanshadan oq atty

ALMATY. QazAqparat - Almatyda kóshelerdiń birinde eki er adam tóbelesti, onyń biri gaz tapanshasyn qoldandy, dep habarlaıdy QazAqparat tilshisi.

Tóbelestiń vıdeosy áleýmettik jelide tarady.

Almaty qalalyq polıtsııa departamanti bul fakti boıynsha Almaly aýdandyq polıtsııa basqarmasynda QR QK 293-baby 3-bóligi boıynsha sotqa deıingi tergeý júrgizilip jatqanyn habarlady.

«Belgili bolǵandaı tóbeles eki tanys adamnyń arasynda bolǵan. Olardyń biri gaz tapanshasyn qoldandy. Baqytymyzǵa oraı, eshkim zardap shekken joq. Kúdikti ustaldy. Ol- 1989 jyly týǵan T. esimdi azamat. Ekinshi adamnyń aıtýynsha, ol qylmys quralyn laqtyryp jibergen, bul fakt anyqtalyp jatyr. Tergeý jalǵasady», - dedi Almaly aýdandyq polıtsııa basqarmasynyń bastyǵy Esen Ysqaqov.