Almatyda eki aptalyq qaıyrymdylyq sharasy ótti

; ALMATY. Maýsymnyń 23-i. QazAqparat /Názıra Eleýhan/ - Almatyda "Birligimiz jarasqan" aktsııasy aıasynda estý qabileti nashar balalar men olardyń ata-analaryna arnalǵan eki aptalyq qaıyrymdylyq sharasy ótti,

dep habarlaıdy QazAqparat.

Atalmysh shara maýsym aıynyń 1-inde bastalǵan bolatyn.

"Úmit" estý qabileti nashar múgedekterdi qoldaý ortalyǵy men Almaty qalasynyń ishki saıasat basqarmasynyń uıymdastyrýymen ótken aktsııa barysynda 460 bala Almaty qalasyndaǵy oıyn-saýyq ortalyqtary men demalys oryndarynda tegin dem aldy.

"Jyl saıyn bizge qoldaý kórsetetin demalys oryndary men park basshylaryna alǵysymyzdy aıtqymyz keledi. Sonymen qatar, Áýezov jáne Medeý aýdanynyń bilim bólimderine sheksiz qurmetimizdi bildirgimiz keledi. Olardyń kómegimen bizdiń qaramaǵymyzdaǵy segiz bala jazǵy demalys lagerine joldama aldy", dedi "Úmit" estý qabileti nashar múgedekterdi qoldaý ortalyǵynyń jetekshisi Amanbıke Erǵalıeva.