Almatyda egde jastaǵy áıelderdiń moınyndaǵy alqany julyp alǵan er adam ustaldy
Almaty qalasy Áýezov aýdandyq polıtsııa basqarmasynyń málimetinshe 27 jastaǵy B. esimdi kúdikti egde jastaǵy áıelderdiń izine túsip, ońtaıly sátti kútip, moınyndaǵy alqasyn julyp qashyp otyrǵan.
«Ol egde jastaǵy áıel adamdardyń áshekeı buıymdaryn ashyq túrde tartyp alyp, izin jasyryp júrgen. Kúdikti qamaýǵa alyndy. Tergeýdiń bastapqy kezeńinde osy ispettes 12 qylmys jasaǵany belgili boldy. Basqa da jábirlenýshiler anyqtalyp jatyr. Qoldy qylǵan áshekeı buıymdardy ol qala bazarlarynyń birinde saýdalap úlgergen. Qazir urlanǵan múlikti satyp alǵan tulǵalar izdestirilip jatyr», – dep málimdedi Almaty qalasy Áýezov aýdandyq polıtsııa basqarmasy janyndaǵy polıtsııa bóliminiń bastyǵy Edilhan Baıǵaraev.
Onyń aıtýynsha, olarda qylmystyq jaýapkershilikke tartylady.
«Ózge aqparat tergeý múddesine oraı jarııa etilmeıdi. QR Konstıtýtsııasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna sáıkes kez kelgen azamat sot sheshimi zańdy kúshine engenge deıin kinásiz dep sanalady», - dep eske saldy polıtsııa ókili.