Almatyda dúken tonaǵandar Atyraýda ustaldy
Atyraý stansasyndaǵy jelilik polıtsııa bóliminiń qyzmetkerleri 12 qańtarda «Almaty-Atyraý» poıyzynan túsken jolaýshylardyń sómkesin teksergen.
«Jolaýshylardyń sómkelerin tekserý kezinde Aqtaý qalasynyń 3 turǵynynan Almaty qalasyndaǵy Mon Amie dúkeniniń taýarlary tabyldy. Bul – 30 dana átir sýy, 55 dana kosmetıkalyq buıym. Tekserý is-sharasy temirjoldyń kúzet fırmasy men Ulttyq ulan
áskerı bóliminiń qyzmetkerlerimen birge júzege asyryldy. Atalǵan derekke qatysty QR
Qylmystyq Kodeksiniń 191-babynyń 3-bóliminiń 3) tarmaǵymen qylmystyq is qozǵaldy.
Qazir ustalǵandarǵa qatysty tergeý amaldary júrgizilip jatyr», - dep habarlady Atyraý
stansasyndaǵy jelilik polıtsııa bólimi krımınaldyq polıtsııa bólimshesiniń bastyǵy
Meıirbek Óteǵalı.
Eske sala ketelik, buǵan deıin Atyraýda jappaı tártipsizdikke qatysqan kúdiktiden atys
qarýy tárkilengenin habarlaǵan edik.