Almatyda din qyzmetkerleri respýblıkalyq synaqtan ótedi

ALMATY. QazAqparat - Almatyda din qyzmetkerleriniń respýblıkalyq kezekti attestattaýy bastaldy, dep habarlaıdy QazAqparat tilshisi.

Almaty ortalyq meshitiniń baspasóz qyzmeti habarlaǵandaı, shahardaǵy 54 meshitte qyzmet etetin ımamdar men ustazdar saraptaý komıssııasynyń synaǵynan ótedi.

«Synaq barysynda din qyzmetkerlerine qyraǵat, tájýıd, aqıda, fıqh, Islam tarıhy salalary boıynsha suraqtar toptastyrylǵan bıletter usynyldy. Din qyzmetkerleriniń bilimin saraptap, biliktiligin baǵalaý úshin QMDB qyzmetkerlerinen quralǵan komıssııa músheleri qosymsha tapsyrmalar berip, meshit erejesi, kontseptýaldy qujattar, basqa da ákimshilik saýaldar arqyly biliktilik deńgeıin anyqtaıtyn bolady», - dep habarlady Almaty ortalyq meshiti.

Aıta keteıik, Almaty qalasynyń din qyzmetkerleriniń bilimin saraptaýǵa arnalǵan respýblıkalyq attestattaý úsh kúnge jalǵasady.