Almatyda depýtattar qoǵamdyq uıymdardyń jetekshilerin qabyldady

ALMATY. QazAqparat - Májilis Tóraǵasynyń orynbasary Gúlmıra Isımbaeva jáne Áleýmettik-mádenı damý komıtetiniń Tóraǵasy Gúlnar Iksanova «Nur Otan» partııasy Almaty qalalyq fılıalynda kóp balaly analar qoǵamdyq uıymdarynyń kóshbasshylaryn qabyldady, dep habarlaıdy QazAqparat.

Májilis vıtse-spıkeri óz sózinde Tuńǵysh Prezıdent - Elbasy Nursultan Ábishuly Nazarbaevtyń áleýmettik bastamalarynyń, ásirese partııanyń jańa jobasy - «Baqytty otbasy» ulttyq jobasynyń aıasynda tabysy tómen kópbalaly otbasylaryna naqty qoldaý kórsetiletinin erekshe atap ótti. Sonymen birge mańyzdy áleýmettik bastamalarynyń barlyǵy zań turǵysynan retteletinin jetkizdi.

15 myńǵa jýyq kópbalaly otbasy, onyń úshten bir bóligi, ıaǵnı 5 myńyń turmysy tómen otbasy quraıtyn Almatyda «Bir tereze qaǵıdaty» boıynsha jumys isteıtin respýblıkadaǵy alǵashqy Ortalyq nysany ashylǵan. Munda kómekke muqtaj áıelderge tıisti járdem kórsetiledi. Sondaı-aq, ortalyqta jeke balalar bólmeleri bar jáne bul ortalyq birqatar kópbalaly analardy jumyspen qamtyǵan. Munda kúnine 50-60 adam járdem surap keledi. Eki aıdyń ishinde munda 1086 kópbalaly otbasyna kómek kórsetildi.

Áńgime barysynda Almaly, Túrksib, Medeý aýdandyq kópbalaly analar uıymdarynyń ókilderi Elbasyna jasalyp jatqan qamqorlyq úshin rızashylyqtaryn bildirdi.

Kezdesý barysynda depýtattarǵa óz usynystary men pikirlerin jetkizdi.

Óz kezeginde Gúlmıra Isımbaeva halyqtyń, onyń ishinde kópbalaly analardyń máselesin sheshý barysynda keri baılanysty iske qosý arqyly «Nur Otan» partııasy árqashan qoldaý kórsetetinin jáne aıtylǵan usynystardyń depýtattar tarapynan eskeriletinin aıtty.