Almatyda Denıs Tendi eske alýǵa arnalǵan halyqaralyq týrnır ótedi

ALMATY. QazAqparat - 10-13 qazan kúnderi Almatyda Denıs Ten atyndaǵy mánerlep syrǵanaýdan halyqaralyq týrnır ótedi. Denis Ten Memorial Challenge jarysy «Halyq Arenada» bolady, dep habarlaıdy QazAqparat QR Ulttyq Olımpıada komıtetine silteme jasap.

Jarysqa ISU barlyq múshesi qatysa alady. Medaldar eki jas sanatynda oınatylady – jasóspirimder jáne eresekter.

Saıys baǵdarlamasynda jeke jáne juptasyp syrǵanaý, sporttyq bı bar. Oǵan qatysý úshin ótinishter 19 qyrkúıekke deıin berilýi tıis. Týrnırdiń birinshi kúninde jasóspirimder, sondaı-aq erler arasyndaǵy jarystarda qysqa baǵdarlama ótedi.

Denis Ten Memorial Challenge saıysy juptar men muzda bı bıleý nómirlerimen aıaqtalady.