Almatyda «Denińiz saý bolsyn, ardager!» atty fleshmob uıymdastyryldy
14:29, 24 Sáýir 2015
ALMATY. QazAqparat - Búgin Almatyda Respýblıka saraıynyń aldyndaǵy alańda Uly Jeńistiń 70 jyldyǵyn atap ótýge arnalǵan «Denińiz saý bolsyn, ardager!» atty fleshmob uıymdastyryldy
Oǵan 200 jýyq adam qatysty. Olardyń arasynda Uly Otan soǵysynyń ardagerleri, tyl eńbekkerleri, medıtsınalyq mekemelerdiń dárigerleri jáne stýdentter boldy.
Uly Otan soǵysynyń ardageri Zulqarnaı Seıitovtiń aıtýynsha, soǵys jyldary dárigerler qan maıdanda júzdegen myń jaýyngerdi ólim aýzynan alyp qalǵan.
«Búgingi shara salamatty ómir salty úshin, baqytty bolashaq úshin uıymdastyrylyp otyr. Uıymdastyrýshylarǵa rahmet» - dedi soǵys ardageri.
Aıta ketelik, fleshmobty aýdandyq ardagerler keńesteriniń qoldaýymen qalalyq Densaýlyq saqtaý basqarmasy uıymdastyrdy.