Almatyda demalys kúnderi qoǵamdyq kólik qatynaı ma

ALMATY. QazAqparat - Almatynyń mobıldilik basqarmasy demalys kúnderi qoǵamdyq kólik qalaı jumys isteıtinin aıtty, dep habarlaıdy QazAqparat tilshisi.

«Qala turǵyndary demalystaǵy qoǵamdyq kólik jumysyna qatysty alańdap otyr. Oǵan beretin jaýabymyz - senbi jáne jeksenbi kúnderi qaladaǵy avtobýstar, trolleıbýstar men metro shtattyq rejımde jumys isteıdi»,- dep habarlady Almaty qalalyq mobıldilik basqarmasynyń baspasóz qyzmeti.

Qarbalas ýaqytta avtobýstar sany kóbeıtiledi, al sońǵy aıaldamada salondar dezınfektsııalyq quraldarmen óńdeledi.

Jolaýshylar áleýmettik qashyqtyqty mindetti túrde saqtap, jolaýshylar men júrgizýshiler betperde kııýge tıis.

Qoǵamdyq kólik osyndaı talaptardy saqtaý arqyly júzege asyrylady.

Eske sala keteıik, Nur-Sultanda jańa qaýlyǵa sáıkes 17 shilde saǵat 00:00-den bastap senbi jáne jeksenbi kúnderi qoǵamdyq kólik jumysyna tyıym salyndy.