Almatyda demalys kúnderi aýyl sharýashylyǵy ónimderiniń jármeńkesi ótedi

ALMATY. QazAqparat - Almatyda 19-20 qarasha kúni Shevchenko kóshesiniń boıynda «Ǵylym ordasy» arheologııa murajaıynyń aldynda aýylsharýashylyq ónimderiniń jármeńkesi ótedi, dep habarlaıdy QazAqparat tilshisi.

Qalanyń azyq-túlik kásiporyndary men Almaty oblysy taýar óndirýshileriniń qatysýymen ótetin aýyl sharýashylyǵy jármeńkesine 100 tonnadan astam azyq- túlik jetkiziledi.

Almaty turǵyndary men qala qonaqtaryna 50 ónim túri usynylady. Atap aıtar bolsaq, 20 tonna et, 5 tonna sút ónimderi, kókónis 60 tonna, balyq 1 tonna, 14 tonna ózge de ónimder bar.

Jármeńkede usynylatyn azyq-túlik baǵasy naryq baǵasynan 8-20 paıyzǵa tómen bolady.

Jármeńke tańǵy saǵat 8.00-den keshki saǵat 17.00-ge deıin: Shevchenko kóshesiniń boıynda «Ǵylym ordasy» arheologııa murajaıynyń aldynda ótedi.