Almatyda dástúrli Prezıdent shyrshasy ótti

ALMATY. QazAqparat-Almatyda turmysy tómen otbasydan shyqqan, jetim, oqý ozaty men daryndy 300 balaǵa arnalǵan dástúrli Prezıdent shyrshasy ótti, dep habarlaıdy QazAqparat tilshisi.

Memleket basshysy Qasym-Jomart Toqaevtyń atynan Almaty ákimi Erbolat Dosaev quttyqtap, zor densaýlyq, mol tabys jáne Jańa jylda barlyq armannyń oryndalýyn tiledi.

Shyrsha toıyna kelgen balaqaılar Qazaqstan halyq ártisi Roza Rymbaevanyń oryndaýyndaǵy «Kel, Jańa jyl» ánine bı bılep, kóńil kóterdi.

Aıaz Ata, Aqshaqar jáne 2023 jyldyń nyshany Qoıannyń qatysýymen shyrshanyń shamyn jaǵý – teatrlandyrylǵan qoıylymnyń ózegine aınaldy.

Buǵan qosa, tanymal tulǵalar Prezıdent shyrshasyna kelgen qonaqtarǵa beınejazba arqyly júrekjardy lebizin joldady. Atap aıtqanda, Dımash Qudaıbergen, Olımpıada chempıony Dmıtrıı Balandın, ánshi Danelııa Tóleshova jáne taǵy basqalary.

«Jańa jyldyq sıqyr» mýzykalyq-ınteraktıvti shoý-spektakli shyrsha toıynyń shyraıyn kirgizip, Erke Esmahan, Muhtar Hanzada, KeshYou toby ánnen shashý shashty.

Іs-shara sońynda barlyq qonaq Qazaqstan Respýblıkasy Prezıdentiniń atynan jańa jyldyq syılyqtar aldy.