Almatyda dárigerdi atyp óltirgen patsıent 20 jylǵa túrmege qamalýy múmkin

ALMATY. QazAqparat - Almatyda gastroenterolog ıÝrıı Shýmkovty atyp óltirý isi boıynsha sot otyrysy aıaqtalýǵa jaqyn, dep habarlaıdy QazAqparat tilshisi.

Búgingi otyrysta prokýror 35 jastaǵy T.-ny birneshe bap boıynsha kináli dep tanyp, ony 20 jylǵa bas bostandyǵynan aıyrýdy jáne jazany qylmystyq-atqarý júıesiniń qaýipsizdigi barynsha joǵary mekemesinde óteýin taǵaıyndaýdy surady.
Sonymen qatar memlekettik aıyptaýshy sottalýshyny marqumnyń otbasyna materıaldyq jáne moraldyq shyǵyndy óteýge mindetteý qajet dep esepteıdi.
Óz kezeginde sottalýshy kisi óltirgenin moıyndady.
Buǵan deıin Polıtsııa departamentiniń patrýldik polıtsııa polkiniń qyzmetkeri men taksı júrgizýshisinen jaýap alynǵan bolatyn.
Keıin aıyptalýshy T. dáriger ıÝrıı Shýmkovtyń týystarynan keshirim surady.
Eske salaıyq, 2022 jyldyń 4 sáýiri kúni Almatyda patsıent T. dáriger ıÝ.Shýmkovty ańshy myltyǵynan atyp óltirgen bolatyn. Asa aýyr qylmys qalanyń Bostandyq aýdanynda boldy. Kúdiktini polıtseıler Alataý aýdany aýmaǵynda ustady.
Keıin QR Densaýlyq saqtaý mınıstri Ajar Ǵınııat ıÝrıı Shýmkov pen patsıent arasynda qandaı da bir janjal bolmaǵanyn aıtty.