Almatyda dári-dármekti jappaı satyp alýshylar ustaldy

ALMATY. QazAqparat – Almaty polıtsııasy reıd barysynda dári-dármekterdi jappaı satyp alýdy uıymdastyrǵan eki adamdy ustady, dep habarlaıdy QazAqparat tilshisi.

«Ótken túnde PD jedel bóliminiń qyzmetkerleri reıd barysynda dári-dármekterdi jappaı satyp alýdy uıymdastyrǵan eki adamdy anyqtady. Olardan «Ingavırın», «Tamıflý» jáne «Paratsetamol» dárileri tárkilendi. Bul fakt boıynsha qoldanystaǵy zańnamaǵa sáıkes quqyqtyq baǵa beriledi», - dep habarlady polıtsııadan.

Eske salaıyq, QR Prezıdenti Q.K. Toqaevtyń tapsyrmasy boıynsha Іshki ister mınıstrligi elimizde reıd sharalary ótkizilip jatyr.

Tekserýdiń maqsaty – karantın ýaqytynda qajetti dári-dármekterdiń jetispeýshiligin paıdalanyp, joǵary suranysqa ıe bolǵan respıratorlyq vırýstyq aýrýlardy emdeýge arnalǵan dári-dármekterdi joǵary baǵamen satqan dárihana qyzmetkerleri men azamattardy anyqtaý.