Almatyda dári-dármekpen qamtý jaǵdaıy qalaı
Almaty qalasynyń tynys-tirshiligin qamtamasyz etýdi qalpyna keltirý jónindegi qalalyq shtab taratqan málimetke sáıkes, qalada 970 dárihana bar, olardyń 407-si jelige jatady. Búgingi kúni tańǵy saǵat 10.00-den 17.00-ge deıingi rejımde 277 dárihana jumys istep tur, onyń ishinde 138 jelilik jáne 139 jeke dárihana bar. 15 dárihana zardap shekken.
Qala dárihanalaryna dárilik zattar men medıtsınalyq maqsattaǵy buıymdardy jetkizýdi «Medservıs», «INKAR», «Amanat» 3 iri farmkompanııasy júzege asyrady.
«10 qańtardaǵy jaǵdaı boıynsha «Medservıs» kompanııasy 40 293 birlik kóleminde dáriniń 1070 túrin tıep jóneltken, «Amanat» kompanııasy 203 700 birlik kóleminde dárilik zattyń 2040 túrin jetkizdi. Basqa iri jetkizýshiler 11 qańtardan bastap qala dárihanalarynyń tapsyrystary boıynsha qajetti dári- dármekti jetkizýdi bastaıdy»,- dep habarlady Almaty qalasynyń tynys-tirshiligin qamtamasyz etýdi qalpyna keltirý jónindegi qalalyq shtab.