Almatyda dári-dármek qory turaqty tolyqtyrylyp otyrady – ákimdik

ALMATY. QazAqparat - Almatyda dári-dármektiń jetkilikti qory bar. Bul týraly brıfıng barysynda qala ákiminiń orynbasary Maqsat Qıqymov málim etti, dep habarlaıdy QazAqparat tilshisi.

Onyń aıtýynsha, Almaty qalasynyń ákimdigi apta saıyn qalalyq statsıonarlardyń, emhanalar men dárihanalardyń dárilik zattarmen (DZ), medıtsınalyq maqsattaǵy buıymdarmen (MMB) jáne jeke qorǵaný quraldarymen (JQQ) qamtamasyz etilýine monıtorıng júrgizedi.

«Búgingi tańda statsıonarlarda 2 209 myń dári-dármek bar. Budan basqa, 736 myń dárilik zat taıaýda jetkiziledi. Qala emhanalarynda 299 myń dári bar, qosymsha 199 myń danasy ákelinedi. Búgingi tańda koronavırýs ınfektsııasyn emdeýde suranysqa ıe dári-dármek barlyq dárihanalarda bar. Qamtamasyz etý - 85-90 paıyz»,-dedi ol.

Turaqtandyrý qorynyń qarajaty esebinen 2020 jyldyń shildesi men 2021 jyldyń qyrkúıek aralyǵynda Almatyǵa josparlanǵan 40 mln dárilik zat pen 58,8 mln medıtsınalyq buıym ákelindi.

«Onyń 43,6 mln iske asyryldy. Bul rette 8 mln mólsherinde tómendetilmeıtin qaldyq saqtaldy. Aıta ketý kerek, qalanyń medıtsınalyq uıymdary, dári-dármekter men medıtsınalyq maqsattaǵy buıymdardyń iri kóterme jetkizýshileri, sondaı-aq qalanyń bólshek saýda jelileri 2020 jylǵy tájirıbeni eskere otyryp, suranystyń yqtımal ósýine aldyn ala daıyndalyp, óz qoımalarynda qorlar qalyptastyrady»,- deıdi qala ákiminiń orynbasary.