Almatyda Dańq memorıalyna gúl shoqtary qoıyldy
Qala ákimi Baýyrjan Baıbektiń aıtýynsha, jeńistiń quny Qazaqstan úshin tym qymbatqa tústi. Sol jyldary halqy nebári 6 mln bolǵan el maıdanǵa azamattarynyń 20%-yn jiberýge májbúr boldy. Qandy soǵystan ekiniń biri oralmady.
«Qurmetti soǵys jáne eńbek ardagerleri! Sizderdi Uly Jeńis kúnimen quttyqtaımyz! Bul qasıetti kúnde bizge azattyq syılaǵan batyrlarǵa basymyzdy ıemiz. Qazaqstandyqtar maıdannyń barlyq shebinde qaıtpas qaısarlyq kórsetti.
Baýyrjan Momyshuly, Talǵat Bıgeldınov, Álııa Moldaǵulova, Mánshúk Mámetova, Nurken Ábdirovterdiń attarymen qazir biz maqtana alamyz. Bul kisilerdiń esimi tarıhta altyn áriptermen jazyldy. Soǵys jyldarynda barlyq kásiporyndar áskerı ónim shyǵarýǵa kóshti. 10 oqtyń 9-y Qazaqstannyń qorǵasynynan quıyldy. Búkilodaqtyq mystyń 35%-y, qorǵasynnyń 83%, molıbdenniń 80%-y Qazaqstanda shyǵaryldy. Maıdanǵa ketken 1 mıllıon 200 myń adamnyń 160 myńy almatylyq bolatyn", - dedi qala basshysy.
Gúl shoqtaryn qoıýǵa jınalǵan jurt qaza bolǵan sarbazdardy 1 mınýt únsizdikpen eske aldy.