Almatyda COVID-19 juqtyrǵandar arasynda jastar kóp – Bekshın

ALMATY. QazAqparat- Almatynyń bas sanıtarııa dárigeri Jandarbek Bekshın olaın brıfıng barysynda qalada koronavırýsty juqtyrý tendentsııasy týraly aıtty, dep habarlaıdy QazAqparat tilshisi.

«Qazir 20 jastan 39 jasqa deıingi adamdar arasynda indetti ósýi baıqalady. Bul - qoǵamdyq oryndarǵa barýdyń nátıjesi. Birinshi kezekte - túngi klýbtar. Otbasylardaǵy ınfektsııa deńgeıi 37% jetti. Bul, jastarymyzdyń epıdemıologııa erejelerin elemeýinen bolyp otyr. Jastar otbasy músheleri týraly oılanýy kerek», - dedi Jandarbek Bekshın.

Sonymen qatar, ol mektepke deıingi jastaǵy balalar arasynda koronavırýs juqtyrý eki esege artqanyn jetkizdi.

«Infektsııa juqtyrǵan mektep oqýshylarynyń sany úsh ese ósti. Bul, vırýstyń óte juqpaly ekenin kórsetedi. Sol sebepti biz vırýstyń taralýyn toqtatý úshin shuǵyl sharalar qabyldap, qatań shekteý sharalaryn qoldanamyz», - dedi Almatynyń bas memlekettik sanıtar dárigeri.

Eske salaıyq, J.Bekshın 20 naýryzdan bastap qalada karantın talaptaryn kúsheıtti.

Avtobýstardyń qozǵalys rejımi ózgerdi.

Sondaı-aq juǵý qaýpi 70 paıyzǵa joǵary koronavırýstyń jańa shtamdary tekserilip jatqany týraly málim etildi.

Bankterdiń qyzmetine de ózgeris engizildi.

Budan bólek, J.Bekshın qala tolyq lokdaýnǵa qandaı jaǵdaıda kóshetinin málim etti.