Almatyda BUU Qorshaǵan orta boıynsha baǵdarlamasynyń (ıÝNEP) sýb-aımaqtyq keńsesi ashyldy

ALMATY. QazAqparat - Búgin ál-Farabı atyndaǵy Qazaq ulttyq ýnıversıtetinde Búkilálemdik qorshaǵan ortany qorǵaý kúnine, BUU 70 jyldyǵyna jáne Almatyda BUU Qorshaǵan orta boıynsha baǵdarlamasynyń (ıÝNEP) Ortalyq Azııa boıynsha sýb-aımaqtyq keńsesiniń ashylýyna baılanysty dóńgelek ústel ótti. Oǵan BUU ıÝNEP uıymynyń ókilderi, ýnıversıtettiń professor-oqytýshylyq quramy, Almaty qalasy ákimdiginiń tabıǵı resýrstar jáne tabıǵatty paıdalanýdy retteý basqarmasynyń qyzmetkerleri qatysty.

«Búgingi dóńgelek ústeldiń basty maqsaty men mindeti - qoǵam nazaryn qorshaǵan ortanyń máselelerine aýdarý jáne sol máselelerdi sheshý joldaryn kórsetý. Búgin - Búkilálemdik qorshaǵan orta kúni. Ol jyl saıyn atap ótiledi. Bıyl onyń basty urany: «Jeti mıllıard tilek. Bir ǵalamshar. Uqypty paıdalan» dep atalady. ıAǵnı, onyń maǵynasy - adamdardy tabıǵatty aıalaýǵa úıretý, paıdaly qazba baılyqtaryn uqypty paıdalanýǵa shaqyrý», - dedi óz sózinde ál-Farabı atyndaǵy Qazaq ulttyq ýnıversıtetiniń professory, geografııa ǵylymdarynyń doktory Vıtalıı Salnıkov.

Sonymen qatar, búgin dóńgelek ústel barysynda Almatyda BUU qorshaǵan ortany qorǵaý baǵdarlamasynyń (ıÝNEP) Ortalyq Azııa boıynsha sýb-aımaqtyq keńsesiniń ashylǵandyǵy jarııalandy. Bul keńse endi aldaǵy ýaqytta Ortalyq Azııa aımaǵynda qorshaǵan ortany qorǵaý5a jáne jaqsartýǵa baǵyttalǵan ıgi sharalardy júzege asyratyn bolady.

Budan ózge, dóńgelek ústel aıasynda BUU bas hatshysy Pan Gı Mýn myrzanyń búgingi kúnge baılanysty qorshaǵan ortany qorǵaýǵa arnalǵan úndeýi oqyldy.