Almatyda búlik kezinde zardap shekken sarbazdardyń jaǵdaıy qalaı

ALMATY. QazAqparat - Almatyda «Patrýl» serıalyna túsken akterlar Medet Amanbaev pen Meıirhan Shernııazov aýrýhanaǵa baryp, jappaı tártipsizdik kezinde zardap shekken polıtseılerdiń jaǵdaıyn bildi, dep habarlaıdy QazAqparat tilshisi.

«Azamattarǵa, olardyń qaýipsizdigine naqty qaýip tóndi. Polıtsııa men áskerı qyzmetkerlerge óz ómiri men densaýlyǵan qaýipke tige otyryp, qylmystyq áreketterdi toqtatqany úshin alǵys aıtamyz. Biz qalany qorǵaǵan polıtsııa qyzmetkerlerin qoldaımyz», - dedi akterler.

Belgili bolǵandaı, keshe tártip saqshylarynyń birine kúrdeli ota jasalǵan. Qylmyskerler júk kóligimen onyń eki aıaǵyn qasaqana basyp ótken.

Sondaı-aq, búgin Almaty qalalyq Polıtsııa departamenti bastyǵynyń orynbasary Aıdyn Qabdýldınov áriptesterine baryp, olardyń densaýlyq jaǵdaılaryn bilip qaıtty.

«Іshki ister mınıstrligi, qalalyq polıtsııa departamenti basshylyǵy jeke quramy jáne barsha qazaqstandyqtardyń atynan biz jappaı tártipsizdikti retteý kezinde zardap shekken áriptesterimizge baryp, olardyń densaýlyq jaǵdaılaryn bildik. Biz olardyń tez saýyǵyp ketýin jáne azamattardyń qaýipsizdigi men eldegi turaqtylyq úshin jaqyn arada qyzmetke kirisýine tilektespiz», – dedi ol.