Almatyda Búkilálemdik kóshpendiler oıyndarynyń tanystyrylymy ótti

ASTANA. QazAqparat - Sharany Búkilálemdik kóshpendiler oıyndarynyń hatshylyǵy men «Kóshpendiler órkenıetiniń murasy» halyqaralyq qory (Qazaqstan) uıymdastyrdy. Maqsat - oıyndardy alǵa jyljytý.

«Búkilálemdik kóshpendiler oıyndary -  bul álemniń kóshpendi halyqtary órkenıetiniń  tarıhı-mádenı murasynyń jańǵyrýy, tarıh, mádenıet, kóshpendiler órkenıetiniń dástúrin, sonymen qatar kóshpendi halyqtyń sport túrlerin nasıhattaý», - dedi Almaty q. Qyrǵyzstannyń bas konsýly  Alııasbek Alymkýlov. 

«Oıyndarǵa akkredıttelgen elder men BAQ sany Kóshpendiler oıyndarynyń keń tarap kele jatqanyn kórsetedi. Onyń halyqaralyq qoldaýǵa ıe bolýy atalǵan jobany keńeıtýge negiz bola alady.  Bolashaqta ony kóshpendi halyqtardyń halyqaralyq olımpıada oıyndaryna aınaldyrýǵa múmkindik beredi», - dedi konsýl.

Tanystyrylym II Búkilálemdik kóshpendiler oıyndaryna arnalǵan  vıdeorolıkterdi kórsetýmen aıaqtaldy.

II Búkilálemdik kóshpendiler oıyndary aǵymdaǵy jyly 3 jáne 8 qyrkúıek aralyǵynda Ystyqkólde ótedi. Álemniń 20-dan astam eli oıyndarǵa qatysatynyn rastady.