Almatyda Búkilálemdik balalar kúnin atap ótedi

ALMATY. 20 qarasha. QazAqparat /Erbol Azanbek/ - Búgin Búkilálemdik balalar kúni. 1954 jyly BUU-nyń Bas Assambleıasy barlyq elge balalar kúni merekesin atpap ótýdi dástúrge engizýdi usynǵan bolatyn.

Bul kún barlyq álemdegi balalardyń saýlyǵyn qamtamasyz etý, balalardyń álemaralyq týystyǵyna jáne ózara túsinisý kúni retinde engizilgen. Bul kúnniń buqaralyq balalar kúni dep atalýyna 1959 jyly BUU Bas Assambleıasynyń balalar quqyǵy deklaratsııasyn qabyldaýy da sebep boldy. Qazirgi kezde bul kún BUU-ǵa múshe 129 elde atalyp ótiledi. Bul merekeden bıylǵy jyly almatylyq balalar da qur qalmaıtyn boldy.

Qazaqstandyq «Aıala» qaıyrymdylyq qory jáne «Aıala» qorynyń dostar klýby balalar kúnin Qazaqstan Respýblıkasynda kópshilikke taratyp dástúrge aınaldyrýdy maqsat tutqan. Búgin qordyń uıymdastyrýymen qaladaǵy «Praım Plaza» saýda-saýyq ortalyǵynda ósý gormondary shektelgen jáne Bostandyq aýdanyndaǵy óz úılerinde tárbıelenip jatqan múgedek balalarǵa qaıyrymdylyq as, «Pertsy» jáne Dınara Sultan sııaqty Qazaqstannyn estrada juldyzdarynyń qatysýymen merekelik kontsert uıymdastyrylmaq. Sondaı-aq kınoteatrda tegin fılmder kórsetiletin bolady.