Almatyda buqaralyq is-shara jáne mıtıng ótkizýge tyıym salynǵan - departament

ALMATY. QazAqparat - Almaty koronavırýstyń taralý deńgeıi boıynsha «qyzyl» aımaqta, sondyqtan megapolıste kez kelgen buqaralyq is-shara ótkizýge tyıym salynady. Bul týraly qalalyq sanıtarlyq-epıdemıologııalyq baqylaý departamenti málim etti, dep habarlaıdy QazAqparat tilshisi.

Almaty qalalyq sanıtarlyq-epıdemıologııalyq baqylaý departamenti Janbolat Mamaıdyń kópshilikti mıtıngige shaqyrý týraly málimdemesine túsinikteme berdi.

«Almaty qalasy «qyzyl» aımaqta bolýyna baılanysty buqaralyq is-sharalar ótkizýge tyıym salynaǵan. Bul týraly qalanyń bas sanıtarlyq dárigeriniń qaýlysynda kórsetilgen. Sondyqtan eshqandaı mıtıngi ótkizýge ruqsat joq«, - delingen habarlamada.

Baspasóz qyzmetiniń aqparatyna sáıkes, buǵan deıin beıbit jıyndar týraly ótinishterdi qaraıtyn ýákiletti organǵa bul mıtıngige ruqsat berýden bas tartýǵa keńes berilgen.

«Túsiniktemeleri bar tıisti hat Janbolat Mamaıǵa ýaqytyly jiberildi»,- dep tolyqtyrdy departamenttegiler