Almatyda brendti sómke men kıimderdiń kóshirmeleri tárkilendi

ALMATY. QazAqparat - Almatynyń saýda oryndarynan belgili álemdik brendterdiń kóshirme kıim-keshekteri, zattary tárkilendi. Bul týraly QazAqparat tilshisine Ádilet departamentiniń zııatkerlik menshik quqyǵy bóliminen habarlady.

Departamentten málim etkendeı, zańsyz jasalǵan kóshirmeler saýda núktelerinen shaǵym túsken jaǵdaıda ǵana alynady. 2018 jyly túsken aryzdar negizinde birqatar belgili markalardyń zańsyz jasalǵan taýarlary tárkilendi. Olardyń arasynda kıim-keshekter, sómkeler, avtobólshekter, káris kosmetıkalary, azyq-túlik taýarlary bar. Atap aıtqanda, «Louis Vuitton», «CHANEL», «HERMES» sómkeleri, «NATURE REPABLIC», «RUBELLI», «BOSNIC», «MISSHA» káris kosmetıkasy, «Hyundai», «KIA», «STR»,«SKF», «Toıota»/ «Leksýs» avtobólshekteri, «StarLine» avtomobıl sıgnaldary, «Mobil» motor maılary, «Volkswagen» fıltrleri, «Ferarri» sport kıimderi, «Colgate» tis pastalary, «MAPED» flomasterleri, «Schneider Electric», «SCHÜSO», «Samsung GALAXY S», «SAMSUNG», «LEVI'S», «501» djınsy, fýtbolkalar, sondaı-aq «Zorkın lýg» súti, «Amoy» soýsy saýdadan shyǵaryldy.

Departament bul derekter boıynsha 45 ákimshilik is qozǵady. Zańsyz aınalymnan salmaǵy 2 tonnaǵa jýyq, quny 13 mln 270 myń teńge bolatyn 12 839 zat tárkilendi.

Almaty aýdanaralyq ákimshilik soty zańdy tulǵalardy QR ÁqbK 158-baby boıynsha jaýapqa tartyp, 2 mln 991 myń 820 teńge aıyppul saldy.

«Tirkelgen taýar belgisiniń ıesi bul belgini tek ózi paıdalanyp, qoldanýǵa quqyly. Qazaqstan terrıtorııasynda bul belgilerdi eshkim ıesiniń ruqsatynsyz paıdalana almaıdy. Ádilet organdary Qazaqstandaǵy Kásipkerlik kodeksiniń normalaryn qoldanysqa ala otyryp, taýar belgileri ıeleriniń quqyǵyn saqtaýdy baqylaýǵa alady. Taýar belgisiniń ıesi bizge shaǵym aıtpaıynsha, taýardy zańsyz aınalymnan alýǵa quqymyz joq. Shaǵymnan soń ǵana kórsetilgen saýda ornynan tárkilep alamyz», - dedi Ádilet departamentiniń resmı ókili Ásemgúl Batyrgereeva.