Almatyda «bomba» týraly habarǵa baılanysty áýejaıdan adamdar shyǵaryldy

ALMATY. QazAqparat - Almaty halyqaralyq áýejaıynda jarylǵysh zat týraly jalǵan aqparat sebebinen adamdar evakýatsııalandy, dep habarlaıdy QazAqparat tilshisi.

«4 qarasha kúni 102 pýltine saǵat 11-den 25 mınýt ketkende belgisiz bireý áýejaı aýmaǵynda bomba bar ekenin habarlady. Atalǵan habarlama áýejaı basshylyǵy men qaýipsizdik qyzmetine, TJD, polıtsııa jáne quzyrly organdarǵa habarlandy. Osydan keıin kóp kidirtpeı áýejaıdaǵy adamdardy evakýatsııalaý bastaldy. Saǵat 11-49-da jolaýshylardy resimdeý, áýe kemelerine júkterdi tıeý jumystary qalpyna keltirildi. Bomba týraly habarlamanyń jalǵan ekeni anyqtaldy», - dedi QazAqparat tilshisine áýejaı baspasóz qyzmetinen.

Qazirgi ýaqytta Almaty halyqaralyq áýejaıy óz jumysyn jalǵastyrýda.

Quqyq qorǵaý organdary atalǵan fakt boıynsha tergeý jumystaryn bastady.

Áýejaı basshylyǵy júıe jumysyna keltirilgen shyǵyndy eseptep jatyr.