Almatyda bolashaqtyqtar jaǵdaıy tómen otbasylarǵa kómir taratty (FOTO)

ALMATY. QazAqparat - Almatyda jaǵdaıy tómen 220 otbasyǵa kómir tegin taratyldy. Qaıyrymdylyq sharasyn «Shuǵyla» qoǵamdyq qory «Bolashaq» qaýymdastyǵymen birlese otyryp uıymdastyrǵan.

2000 tonnaǵa jýyq kómir Almaty, Aqmola oblysy, OQO-nyń áleýmettik jaǵdaıy tómen 630 otbasy arasynda tegin taratyldy.

Uıymdastyrýshylardyń aıtýynsha, aımaqtyń ornalasýyna baılanysty ár otbasyǵa 2-5 tonnadan kómir taratylady.

«Bul aktsııany jylda ótkizemiz. Ótken jyly 600 tonna taratqan edik. Bir qýanarlyǵy, qoǵam «memleket maǵan ne beredi» dep aýzyn ashyp otyrýǵa bolmaıtynyn túsinip keledi. Adamdar ózderi birigip, bastama kóterip, túrli jobalardy júzege asyrýǵa bolatynyna kóz jetkizdi», - dedi «Shuǵyla» qorynyń ókili Álibek Ómirjanov.

«Shuǵyla» qoǵamdyq qory birneshe baǵytta qaıyrymdylyq sharasyn ótkizip keledi. «Jyldaǵy eń umytylmas kún» sheńberinde jetim balalarǵa barynsha kóńil bólinedi. Osymen birneshe jyl qatarynan turmysy tómen otbasylar azyq-túlikpen, kómir, kıim, mektepke qajetti qural-jabdyqpen qamtylyp keledi. Sondaı-aq, qor sal aýrýyna shaldyqqan balalarǵa kómek retinde emdeý oryndaryn medıtsınalyq qural-jabdyqpen qamtýǵa kómektesedi.