Almatyda bolashaq áskerıler 11 lıtr qan tapsyrdy
Áskerı-tehnıkalyq mekteptiń 25 kýrsanty onkologııalyq aýrýǵa shaldyqqandar úshin 11 lıtr qan tapsyryp, donor boldy. Aktsııaǵa oqý ornynyń dırektory polkovnık Mıras Jylgeldın bastamashylyq etken. Onyń aıtýynsha, árbir úshinshi qazaqstandyq ómirinde qan quıdyrýǵa muqtaj bolady. Sondyqtan áskerı-tehnıkalyq mektepte qan tapsyrý dástúrge aınalǵan. Kýrsanttar men muǵalimder 2016 jyldan beri «Ómirge úmit syıla» aktsııasyna óz erikterimen qatysyp keledi.
«Men sózben ǵana emes, is júzinde adamdarǵa kómekteskim keledi. Donorlyq adamdardyń ómirin saqtap qalý úshin qajet. Sondyqtan, bireýdiń ómirin saqtap qalýǵa múmkindik bolyp tursa, ony mindetti túrde qoldaný kerek», - dep atap ótti ÁTM tárbıelenýshisi Baýyrjan Myrzalınov.
Almaty qalalyq qan quıý ortalyǵynda atap ótkendeı, adamdar túrli sebeptermen donor bolyp jatyr, solardyń bastysy - áleýmettik jaýapkershilikti seziný.
Avtor: Albert Ahmetov