Almatyda bokstan Tokıo Olımpıadasynyń júldegerlerine syıaqy berildi
Qazaqstan boks federatsııasynyń prezıdenti Keńes Raqyshev Olımpıadanyń qola júldegeri Sáken Bıbosynov pen Qamshybek Qońqabaevqa 50 000 AQSh dollary, Qazaqstan ulttyq quramasynyń jattyqtyrýshysy - Myrzaǵalı Aıtjanov pen Seıitjan Tókenovke 10 000 AQSh dollary kólemindegi aqshalaı sertıfıkat tabystady.
Sonymen qatar, quramanyń bapkerleri men Olımpıada qatysýshylary da nazardan tys qalǵan joq. Atap aıtqanda, bokstan Qazaqstan ulttyq quramasynyń bas bapkeri Ǵalymbek Kenjebaev, bokstan Qazaqstan ulttyq quramasynyń jattyqtyrýshysy - Marat Jaqıev, Nurlan Aqúrpekov, Marat Manashev, Roman Mınıchkın, Olımpıadaǵa qatysqan boksshy Serik Temirjanov baǵaly syılyqtarmen marapattaldy.
«Ulttyq quramanyń kapıtany retinde maǵan úlken jaýapkershilik júkteldi. Elime altyn altyn alyp beremin dep oılaǵanmyn. Biraq, biz oılaǵandaı bola bermeıdi. Jalpy, bıylǵy Olımpıada ádil ótti. Búgin alǵan qarajatty qaıyrymdylyq qoryna jumsaımyn. Olımpıadada baıqaǵanym, buryn da kezdesken qarsylastarym jeńis úshin janyn berýge daıyn eken. Aldaǵy ýaqytta jibergen qatelikterimdi túzetem. Alda áli talaı kók týymyzdy Olımpıada tórinde asqaqtamyz dep aıta alamyn», - dedi boksshy Qamshybek Qońqabaev.
«Elime altyn ala almaǵanym úshin ókindim. Tipti kózime de jas keldi. Aldysyzda úlken maqsattar bar, 2024 jyly Parıjde ótetin Olımpıadada altyn alýǵa barymdy salamyn. Kásipqoı bokspen aınalysý áli oıda joq. Ony keıin kóre jatarmyn. Búgingi qarajattyn qaıyrymdylyq qoryna jumsaımyn», - dedi boksshy Sáken Bıbosynov.
Avtory Dýman Arǵyngeldi