Almatyda bıznesi zardap shekken 601 kásipkerdiń ótinimi oń sheshimin tapty
Almatyda shaǵyn jáne orta bıznes sýbektilerine múliktik zııandy anyqtaý jónindegi Aımaqtyq komıssııanyń búgingi otyrysynda kásipkerlerdiń jalpy somasy 122,2 mln teńgege 56 ótinimi maquldandy. Onyń ishinde 66,9 mln teńge somasyna 30 ótinim bıýdjet qarajaty esebinen, «Jańa Alataý» qaıyrymdylyq qorynyń qarjysynan 55,3 mln teńgege 26 ótinim tólendi. Bul týraly Almaty qalasynyń kásipkerlik jáne ınvestıtsııalar basqarmasynda málim etti.
«Almaty qalasy boıynsha komıssııa jumysyn bastalǵaly beri barlyǵy 1118,6 mln teńge somaǵa 601 ótinim maquldandy», - dep habarlady basqarmada.
Jalpy, Almatyda kásipkerlerdiń maquldanǵan ótinimderi kún saıyn artyp kele jatqanyn baıqaýǵa bolady. Sebebi, osydan eki kún buryn Almatyda bıznesi zardap shekken 545 kásipkerdiń ótinishi maquldanǵan edi. Al búginde 600-den asty.