Almatyda bıznesi zardap shekken 500-den astam kásipkerdiń ótinishi maquldandy

ALMATY. QazAqparat - Almatyda bıznes sýbektileriniń múliktik zalaldaryn anyqtaý jónindegi Óńirlik komıssııa kásipkerlerdiń 351,5 mln. teńge jalpy somasyndaǵy 183 ótinishin maquldady, dep habarlaıdy QazAqparat tilshisi.

Atalmysh ótinishterdiń ishinde, 218,7 mln. teńge somasyndaǵy 111 ótinish bıýdjet qarajaty, 132,8 mln. teńge somasyndaǵy 72 ótinish «Jańa Alataý» qaıyrymdylyq qory qarajaty esebinen qarjylandyrylatyn bolady.

Aıta keteıik, komıssııa jumysynyń barlyq kezeńiniń ishinde, 996,4 mln. teńge somasyndaǵy 545 ótinish maquldandy. Onyń ishinde, 431,1 mln. teńge somasyndaǵy 251 ótinish bıýdjet qarajaty, 565,3 mln. teńge somasyndaǵy 294 ótinish «Jańa Alataý» qaıyrymdylyq qory qarajaty esebinen qarjylandyrylady.

Qazirgi ýaqytta zardap shekken shaǵyn jáne orta bıznes sýbektilerinen ótinishter kelip jatyr, Info Kazakhstan saıtyna Almaty qalasynyń barlyǵy 2 myńǵa jýyq kásipkerlerinen ótinish kelip tústi.