Almatyda bıznes shyǵynyn óteý erejesine qandaı ózgerister men tolyqtyrýlar engiziledi
Almaty qalasynyń ákimi Erbolat Dosaev qańtar tragedııasy kezinde japa shekken kásipkerlermen, bıznes ókilderimen kezdesti. Jıyn barysynda bıznes shyǵynyn óteýge jumsalatyn tólemderdi jedeldetý máselesi sóz boldy.
Ákimdikten málim etkendeı, buǵan deıin Aımaqtyq komıssııa shyǵyndy óteý boıynsha mehanızmde kinárat baryn anyqtap, óz tarapynan naqty usynystar engizgen bolatyn. Ákimdiktiń usynystary 2022 jylǵy 1 aqpanda QR Ulttyq ekonomıka mınıstrligimen jedel túrde kelisilip, úkimettik komıssııa deńgeıinde maquldandy. Búgin shyǵyndy óteý erejesine tıisti ózgerister men tolyqtyrýlar engiziledi.
«5 mln teńgege deıingi eń joǵary tólem somasymen jeńildetilgen mehanızm boıynsha zaqymdalǵan jyljymaly ári jyljymaıtyn múlikke, qalpyna keltirýge kelmeıtin jáne joǵalǵan jabdyqtarǵa da shyǵyndy óteý mehanızmi qarastyrylyp otyr. Sonymen qatar memlekettik bıýdjet qarajatynan bólek, qorlardyń jeke aqshalarynan da tólem júrgizý máselesi qarastyrylýda. ıAǵnı, ótemaqy tóleý protsesin jetildirý jumystary jalǵasa beredi», - delingen baspasóz habarlamada.
Eske salsaq, zardap shekken kásipkerler kommýnaldyq shyǵyndardy tóleýden 3 aıǵa, al qaladaǵy kommýnaldyq menshikti jalǵa alýshylar – 6 aıǵa jalǵa alý tóleminen bosatylǵan.
Sonymen qatar, «Almaty Bıznes-2025» baǵdarlamasy boıynsha kásipkerlerge kepil usyný arqyly 10 mln teńgege deıin jyldyq 2 paıyzben 12 aıǵa nemese «Almaty» AÓK ishinara kepildigimen jeńildetilgen nesıe beriledi. «Almaty Fınans» JShS men «MFO Almaty» JShS zardap shekken kásipkerlerge negizgi qaryzdy óteý merzimin uzartady, aıyppuldar men ósimpuldardy 180 kúnge deıin shegeredi.