Almatyda bıyl 5 myńǵa jýyq jańa jol belgisi ornatyldy

ALMATY. QazAqparat - Almaty qalasynyń ákimshilik polıtsııasy bıyl qansha jol belgisi ornatylǵanyn málim etti, dep habarlaıdy QazAqparat tilshisi.

Almaty qalasy ákimshilik polıtsııasynyń málimetinshe, Almatyda kóshe-jol jelisiniń uzyndyǵy 3 myń 096,8 shaqyrymdy quraıdy.

2 746 kóshe bar. Onyń 385-i - negizgi mańyzy bar. Uzyndyǵy - 1 150 shaqyrym.

2 361 jergilikti kóshe bar. Uzyndyǵy - 1 946,8 shaqyrym.

«Almatyda qazir 29 998-den astam jol belgisi, 392 117 m2 jol tańbalaý jelileri jumys istep tur. Jalpy bıyl 4 711 jol belgisi ornatylyp, qalpyna keltirildi. 161 kóshege, ıaǵnı, 279 191 m2 jol syzyǵy salyndy. Uzyndyǵy 3,333 shaqyrym jol qorshaýy ornatyldy. 47,8 shaqyrym jol qorshaýy syrlandy. Sonymen qatar, bıyl 8 jerústi jaıaý júrginshiler ótkeliniń qurylysy aıaqtalýda»,- dedi Almaty qalalyq polıtsııa departamentiniń ákimshilik polıtsııa basqarmasynyń bastyǵy Nurlan Amanbek.

Sondaı-aq, onyń aıtýynsha «Nazar aýdaryńyz, balalar» aldyn alý sharasy kezeńinde 1-23 qyrkúıek aralyǵynda mektepter mańynda jasandy birkelki emes joldar ornatyldy.

Onyń ishinde 164 – standartty asfaltbeton, taǵy 36 trapetsııa tárizdi.

Jalpy, bilim beretin mekemeler aýmaǵyndaǵy jasandy birkelki emes joldardyń sany - 570.