Almatyda bıyl 30 myńnan astam oqýshy birinshi synypqa qabyldandy

ALMATY. QazAqparat - Almatyda jańa oqý jylynda alǵash ret mektepke 30 146 bala barady. Bul týraly óńirlik kommýnıkatsııalar qyzmetinde ótken baspasóz máslıhatynda qalalyq bilim basqarmasynyń basshysy Lázzat Jylqybaeva málim etti, dep habarlaıdy QazAqparat tilshisi.

«1-synypqa qabyldaý 1 tamyzda aıaqtaldy. Búgingi tańda 30 146 bala qabyldandy, onyń ishinde jekemenshik mektepterge baratyn – 3 789 bala. Orta bilim berý uıymdarynda pándik kabınetterdiń 75,6% jańartyldy. Mektepterde barlyǵy 847 pándik kabınet (hımııa, fızıka, bıologııa, onyń ishinde 640 kabınet zamanaýı jabdyqtarmen (jańa modıfıkatsııamen) jaraqtandyryldy, sonymen qatar 75 STEM jáne robototehnıka kabınetteri satyp alyndy», - dedi Lázzat Jylqybaeva.

Sondaı-aq, ol jan basyna shaqqandaǵy qarjylandyrý aıasynda taǵy 147 kabınet, onyń ishinde: 34 hımııa, 31 fızıka, 39 bıologııa, 23 STEAM jáne 20 robototehnıka satyp alynǵanyn, bul jaratylystaný-matematıkalyq tsıkl pánderi boıynsha oqytýdy tájirıbege baǵdarlaýǵa múmkindik bergenin tilge tıek etti.

«Bıyl Qaırat shaǵyn aýdanynda 1500 oryndyq №211 memlekettik mektep ashylady. 12 memlekettik mektepte kúrdeli, 178 mektepte aǵymdaǵy jóndeý júrgizildi»,- dedi basqarma basshysy.