Almatyda bıyl 120 kóshe jóndeýden ótedi

ALMATY. QazAqparat - Almatyda bıyl 120 kóshede ortasha jóndeý jumystary júrgiziledi, dep habarlaıdy QazAqparat tilshisi qalalyq mobıldilik basqarmasyna silteme jasap.

Basqarmanyń taratqan málimetine sáıkes, bıyl qalanyń 6 aýdanynda 50 shaqyrymnan asatyn jańa jol salynady. Sonymen qatar, jaıaý júrginshilerge arnalǵan joldar, Jandosov kóshesindegi BRT jelisiniń qurylysy aıaqtalady. Abaı men Saın kósheleri sozylatyn boldy. Seıfýllın men Jansúgirov kósheleriniń qıylysyndaǵy jol aıryǵy, Rysqulov dańǵyly men Qulja tas jolynyń qıylysyndaǵy jol aıryǵy ári qaraı jalǵasatyn bolady.

Sondaı-aq, Buqtyrma kóshesi men Qulja tas jolynyń qıylysatyn tusyna jol aıryq salý kózdelgen. Qala ákimi atalǵan jumystardyń qysqa merzimde oryndalýyn mindettedi. Ár jóndeletin nysannyń tusynda merdiger kompanııanyń aty, baılanys nómirleri jazylǵan nysan pasporty ornatylady. Onda jumystardyń aıaqtalý merzimi de kórsetiledi.

Aıta ketý kerek, Almatyda buǵan deıin 524 kóshe jóndeýden ótken. Mustafın, Súleımenov, Tımırıazev kósheleri de BRT jelisimen qaıta jóndeldi.